• Түмний төлөө

    Төрийн хяналт

  • Дотоод хяналт бол

    Хариуцлагын тогтолцоо юм

  • Эрсдлийн түвшинг тодорхойлж

    зөрчил дутагдлаас урьдчилан сэргийлнэ

БНСУ-ын Уул уурхайн нөхөн сэргээлтийн агентлагтай хамтран ажиллана

2017 оны 5 сарын 22 107

БНСУ-ын Уул уурхайн нөхөн сэргээлтийн агентлагтай хамтран ажиллана
МХЕГ-ын дарга, Улсын ерөнхий байцаагч Н.Цагаанхүү БНСУ-ын Уул уурхайн нөхөн сэргээлтийн агентлагын Ерөнхийлөгч Ким Ик Хуан нар 2017 оны 05 дугаар сарын 22-ны өдөр БНСУ-ын Сөүл хотноо 2017-2018 онд хамтран ажиллах хамтын ажиллагааны Санамж бичигт гарын үсэг зурж баталгаажууллаа.

Энэхүү Санамж бичиг байгуулагдсанаар уул уурхайн нөхөн сэргээлт болон техник хамтын ажиллагааг өргөжүүлж, хөдөө орон нутгийн ундны усны шинжилгээ, судалгаа хийх, БНСУ-д мэргэжлийн хяналтын улсын /ахлах/ байцаагчдын чадавхыг дээшлүүлэх сургалт зохион байгуулах, харилцан туршлага судлах, олон нийтэд уул уурхайн нөхөн сэргээлтийн талаар сургалт, сурталчилгаа, соён гэгээрүүлэх үйл ажиллагаа явуулах чиглэлээр хоёр байгууллага хамтран ажиллахаар тохиролцов. БНСУ-ын Уул уурхайн нөхөн сэргээлтийн агентлагын Ерөнхийлөгч Ким Ик Хуан уулзалтын үеэр хэлсэн үгэндээ: “Манай байгууллага уул уурхайн нөхөн сэргээлтийн чиглэлээр асар их туршлагатай. Иймд Монгол улсын уул уурхайн олборлолтын үйл ажиллагааны улмаас байгальд учруулсан хор хөнөөлийг бууруулах, нөхөн сэргээлтийг сайжруулах тухайн газар нутгийг эдийн засгийн эргэлтэд оруулах бүхий л талын үйл ажиллагаанд дэмжлэг үзүүлэн хамтран ажиллахад бэлэн байна” гэв.

Сүүлд нэмэгдсэн мэдээ